Gísli Elíasson, viðskiptastjóri
,,Mín helstu verkefni eru viðskiptastýring og að afla nýrra viðskiptavina á fyrirtækjamarkaði um land allt. Viðskiptahópur Orkusölunnar er fjölbreyttur og stór, vinnan er fjölbreytt og það sem gerir vinnuna skemmtilega eru allar frábæru heimsóknirnar til núverandi og nýrra viðskiptavina," segir Gísli en hann hefur starfað hjá Orkusölunni síðan árið 2022.
Hvað gerir Orkusöluna að góðum vinnustað?
,,Orkusalan skín af gleði, það er einstakur kraftur og orka sem býr í samstarfsfólki mínu ásamt endalausri gleði. Það má eiginlega segja að hér sé rafmagnað stuð út í eitt," segir Gísli
,,Vinnustaðurinn einkennist að samvinnu og alla daga leggja allir sig fram við að gera alla daga skemmtilega og að góðum vinnustað. Það er alltaf gaman að koma í vinnuna og hitta þessa einstöku stuðpinna sem bíða spennt eftir einum lúmskum og góðum pabba brandara," segir Gísli sem er einmitt með meistaragráðu í pabba bröndurum.
,,Góður taktur er forsenda þess að teymin virki sem best og nái sínum markmiðum og tel ég því nauðsynlegt að hafa einn trommara í hópi Orkusölunnar til að halda góðum takti alla leið" en gaman er að segja frá því að Gísli er ekki bara í fullu starfi hjá Orkusölunni heldur er hann einnig í stórhljómsveitinni Brimnes.
Hvað er stuð fyrir þér?
,,Þar sem orka, kraftur, gleði og Vestmannaeyjingar eru …þar er stuð – og stanslaust stuð," segir Gísli að lokum.