Jafnlaunastefna
Stefna Orkusölunnar er sú að launaákvarðanir séu byggðar á málefnalegum forsendum og tryggt sé að sömu laun séu greidd fyrir sambærileg eða jafnverðmæt störf. Með jöfnum launum er átt við að laun skulu vera ákveðin á sama hátt fyrir öll, óháð kyni. Skulu þau viðmið sem lögð eru til grundvallar launaákvörðun ekki fela í sér kynjamismunun (6. gr. laga nr. 150/2020).
Til að framfylgja jafnlaunastefnunni hefur Orkusalan innleitt jafnlaunakerfi sem tryggir reglubundna greiningu launa og starfskjara, gagnsæi í launaákvörðunum og stöðugar umbætur til að fyrirbyggja ómálefnalegan launamun.
Markmið Orkusölunnar er að tryggja að öllu starfsfólki, konum, körlum og fólki með hlutlausa skráningu kyns í þjóðskrá séu greidd jöfn laun og sömu kjör fyrir sömu eða jafnverðmæt störf, þannig að óútskýrður launamunurkomi ekki fram. Til að ná því markmiði mun Orkusalan:
- Viðhalda virku jafnlaunakerfi og tryggja að launaákvarðanir byggist á málefnalegum og skjalfestum forsendum.
- Framkvæma árlega launagreiningu og kynna niðurstöður fyrir starfsfólki.
- Bregðast við óútskýrðum launamun með stöðugum umbótum og eftirliti.
- Framkvæma árlega stjórnendarýni á framkvæmd jafnlaunastefnunnar, niðurstöðum launagreininga og árangri úrbóta.
- Fylgja viðeigandi lögum, reglum og kjarasamningum sem í gildi eru á hverjum tíma
- Kynna stefnuna fyrir starfsfólki og tryggja að hún sé aðgengileg almenningi á ytri vef Orkusölunnar.
Samþykkt af stjórn Orkusölunnar 25.06.2026