Stuðið kom með Fíu Sól

Fía Sól mætti á Stuðsvellið á laugardaginn sl. ásamt vinum sínum og tók nokkur lög fyrir gesti.

Stelpuskottið Fíasól er fyrir löngu orðin sígild í íslenskri bókmenntasögu og á sér aðdáendur á öllum aldri. Í vetur stígur hún svo á Stóra sviðið í Borgarleikhúsinu í nýrri leikgerð sem byggir á rómuðum skáldverkum Kristínar Helgu Gunnarsdóttur.
Jólasveinarnir komu líka á Stuðsvellið, sungu jólalög og gáfu ungum gestum sætar gjafir.