Orkusalan er framúrskarandi fyrirtæki 2023

Orkusalan hefur fengið viðurkenningu fyrir að vera framúrskarandi fyrirtæki árið 2023.
Creditinfo hefur unnið að greiningu á rekstri íslenskra fyrirtækja undanfarin ár og veitt framúrskarandi fyrirtækjum viðurkenningu fyrir árangurinn. Fyrirtæki sem teljast framúrskarandi þurfa að uppfylla ströng skilyrði og eiga það sameiginlegt að byggja rekstur sinn á sterkum stoðum og efla hag allra. Þá er um að ræða mikilvægan þátt í markaðssókn þeirra sem vilja efla traust viðskiptavina og samstarfsaðila.

Þann 25. október sl. var hald­in hátíð í Hörpu til að fagna frá­bærum ár­angri með fyr­ir­tækj­un­um sem eru á lista yfir framúrsk­ar­andi fyr­ir­tæki í ár. Halla Marinósdóttir, umhverfis-, gæða og öryggisstjóri Orkusölunnar og Hafliði Ingason sölustjóri tóku á móti viðurkenningunni fyrir hönd Orkusölunnar.

Aðeins um 2,5% allra fyr­ir­tækja komast á list­a Creditinfo yfir framúrskarandi fyrirtæki. Það er því eftirsóknarvert að skara fram úr og er Orkusalan því sérstaklega stolt af því að hafa fengið viðurkenninguna 11 ár í röð. Að baki árangursins liggur mikil vinna, metnaður og gleði sem starfsfólk Orkusölunnar hefur að leiðarljósi í sínu starfi.