Heiða Halldórsdóttir er nýr framkvæmdastjóri hjá Orkusölunni

Heiða Halldórsdóttir hef­ur verið ráðin fram­kvæmda­stjóri sölu- og þjónustu hjá Orku­söl­unni. Hún hefur gegnt stöðu markaðsstjóra fyrirtækisins síðaðstliðin fimm ár en einnig hefur hún gegnt stöðu sviðsstjóra einstaklingssviðs og hefur setið í framkvæmdastjórn fyrirtækisins síðustu tvö ár.

Heiða mun leiða vinnu Orku­söl­unn­ar við sölu og þjónustu til núverandi og nýrra viðskiptavina ásamt því að leiða markaðsmál fyrirtækisins. Auk þess mun Heiða stýra verkefnum á sviði orkuskipta. Heiða situr áfram í framkvæmdastjórn fyrirtækisins.

Um er að ræða nýja stöðu innan Orkusölunnar en fyrirtækið hefur ráðist í skipulagsbreytingar í kjölfar stefnumótunarvinnu

,,Orkusalan er öflugt félag sem hefur stækkað hratt á síðustu árum. Ég er virkilega þakklát fyrir það traust sem mér er sýnt og hlakka til að halda áfram að byggja upp sterkt félag með frábæru starfsfólki Orkusölunnar“, segir Heiða

Orku­sal­an rek­ur sex vatns­afls­virkj­an­ir á Íslandi, þar á meðal Lag­ar­foss­virkj­un, Skeiðsfoss­virkj­un og Rjúk­anda­virkj­un. Fé­lagið sel­ur raf­orku til heim­ila, fyr­ir­tækja og stofn­ana um allt land á sam­keppn­ismarkaði. Orku­sal­an er dótt­ur­fé­lag Rarik, sem er í eigu Íslenska rík­is­ins.

Í framkvæmdastjórn Orkusölunnar eru nú þau Andri Teitsson, Halla Marinósdóttir, Heiða Halldórsdóttir og Þengill Ásgrímsson. Magnús Kristjánsson er forstjóri Orkusölunnar.