![Friðrik Larsen og Heiða Halldórsdóttir afhenda fulltrúa Wekiwi verðlaunin.](https://images.prismic.io/orkusalan/ec45324f-0441-431c-a3a4-c5da1c88e0c3_Photo+23.10.2023_+16+42+58%5B41%5D.jpg?auto=compress,format&w=3000)
Orkusalan á CHARGE
Alþjóðlega ráðstefnan CHARGE Energy Branding var haldin í Berlín dagana 23.-24. október sl. Um er að ræða vinsælan viðburð sem fjallar um uppbyggingu vörumerkja í orkuiðnaði.
Fjöldi áhugaverðra fyrirlesara kom fram á ráðstefnunni í ár sem var vel sótt, bæði af íslenskum og erlendum starfsmönnum í orkugeiranum.
Samhliða ráðstefnunni fór fram verðlaunahátíð þar sem bestu vörumerkin í orkugeiranum hlutu CHARGE verðlaunin. Verðlaunin eru veitt þeim orkufyrirtækjum sem standa framar en önnur vörumerki þegar kemur að mörkun (e.branding) fyrirtækja. Í ár var slegið met í fjölda tilnefninga en verðlaunin eru eftirsóknarverð á meðal orkufyrirtækja um allan heim.
Síðastliðin tvö ár hefur Orkusalan átt fulltrúa í dómnefnd en veitt eru verðlaun í fimm flokkum. Heiða Halldórsdóttir, framkvæmdastjóri sölu- og þjónustu tilkynnti sigurvegara í ár í flokknum The World’s Best Established Brand en það var fyrirtækið Wekiwi sem hlaut verðlaunin í þeim flokki.