Orkusalan býður til skemmtilegrar samverustundar við Skeiðsfossvirkjun á Síldarævintýrinu um verslunarmannahelgina. Afmælið fer fram í fallegu og skógi vöxnu umhverfi við stöðvarhúsið og virkjunina.

Dagskrá dagsins - stuð, saga og samvera:

• Ókeypis rútuferð frá Ráðhústorginu á Siglufirði kl. 10:30 - Skráning fer fram í gegnum hlekkinn hér að neðan.
• Veitingar á svæðinu frá kl 11:00, grillaðar pylsur, drykkir, afmæliskaka og kaffi
• Hoppukastali, Kubb og Pétanque fyrir börnin
• Sýning á stöðvarhúsi og ganga að stíflunni
• Spjall við stöðvarstjóra og fræðsla um sögu virkjunarinnar og starfsemi hennar í dag

Skeiðsfossvirkjun, knúin af krafti Fljótaár, var lykilstoð í þeirri stórkostlegu uppbyggingu sem fylgdi síldarævintýrinu á Siglufirði. Hún tryggði rafmagn til verksmiðja, heimila og fyrirtækja og lagði grunn að því samfélagi sem þá byggðist upp.

Mætum sem flest í tilefni þessa merka áfanga í sögu raforkumála á Norðurlandi.

Öll eru velkomin – við hlökkum til að sjá ykkur!