Orkusalan selur raforku til fyrirtækja, stofnana og heimila á öllu landinu. Í kjölfar breyttra raforkulaga um áramótin 2005 var sala á raforku gefin frjáls. Frá áramótum 2006 gátu allir viðskiptavinir valið sér raforkusala, án tillits til búsetu. Samkeppni var innleidd í raforkuframleiðslu og raforkusölu en flutningur raforku frá virkjun til neytenda er eftir sem áður háður einkaleyfi.
Þægindi og einfaldleiki eru einkunnarorð Orkusölunnar þegar kemur að þjónustu við raforkukaupendur. Allir viðskiptavinir Orkusölunnar hafa aðgang að þjónustuvef. Þar geta viðskiptavinir fylgst með rafmagnsnotkun og reikningum á einfaldan og þægilegan hátt og að auki sótt aðrar upplýsingar um viðskipti sín við Orkusöluna.
Þjónustuver Orkusölunnar er opið frá klukkan 08-16 alla virka daga. Í þjónustuverinu er einstaklingum og fyrirtækjum veitt öll þjónusta sem unnt er að veita í gegnum síma. Upplýsingar fást um þjónustu fyrirtækisins, tekið er við álestrartölum og notendabreytingum, veitt er tæknileg ráðgjöf, ráðgjöf um raforkureikninga og önnur ráðgjöf er varðar raforkuviðskipti.
Í þjónustuveri Orkusölunnar starfar reyndur hópur fólks sem hefur það að markmiði að gera raforkuviðskipti heimila og fyrirtækja einföld, þægileg og hagkvæm.
