Orkusalan - Heimili

Um orkusöluna | Veftré | Hafðu samband |


	ÖRYGGISMÁL

	HEIMILI

	FYRIRTÆKI

Öryggismál heimila

Það er aldrei hægt að tala um rafmagn án þess að minnast á rafmagnsöryggi. Það skiptir miklu máli að vera meðvitaður um þær hættur sem rafmagnið býr yfir og taka ekki óþarfa áhættu með því að fresta lagfæringum á því sem er ábótavant í rafbúnaði heimilisins.

Hér að neðan er bent á nokkur mikilvæg atriði þegar kemur að rafmagnsöryggi heimila. Ekki er um tæmandi lista að ræða en hann á að auðvelda einstaklingum að kanna ástand raflagna á heimilum. Hér er hægt að taka rafmagnsöryggispróf sem gefur vísbendingar um hvort einhverju sé ábótavant. Frekari upplýsingar um rafmagnsöryggi er að finna á www.sart.is og www.neytendastofa.is



Einangrun rafmagnslagna Fram undir 1950 voru flestar rafmagnsleiðslur sem lagðar voru í hús hér á landi með gúmmí eða tjörueinangrun.		Tenglar Við sækjum rafmagn fyrir þau tæki sem við notum í innstungur (tengla). Þær ættu að vera sem víðast í hverri íbúð, helst fleiri en ein í hverju herbergi.


Leiðslur og klær Leiðslur (lausataugar) flytja rafmagnið frá innstungunum í raftækin. Stundum þarf að nota fjöltengi (fjöltengla) og þá er vert að hafa í huga að ekki er gott að hafa mörg orkufrek raftæki tengd í eitt og sama fjöltengið.		Lekastraumsrofinn Eitt helsta öryggistæki rafkerfisins er lekastraumsrofinn. Ef útleiðsla verður í raflögn, t.d. vegna bilunar í jarðtengdu tæki, á rofinn að slá út og rjúfa allan straum.


Ljós og rofar Á hverjum degi notum við ljósarofa til þess að kveikja og slökkva ljósin. Oft þarf að þreifa eftir rofum í myrkri.		Rafmagnstaflan Rafmagnstaflan er hjarta rafkerfisins í hverju húsi. Um hana fer allt rafmagn sem notað er á heimilinu. Öryggin í rafmagnstöflunni eiga að varna því að of mikið álag eða skammhlaup valdi tjóni.